Известувањa / Соопштенија
До:
Вработените на Факултетот за ветеринарна медицина – Скопје
Известување
за превземање мерки за превенција од ширење на Корона вирусот SARS-CoV-2
Врз основа на одлука на Деканатската управа број 0201-731/8 од 11.03.2020 година Кризниот штаб на Факултетот за ветеринарна медицина-Скопје за превенција од ширење на Коронавирусот SARS-CoV-2 на 6. состанок одржан на 23.04.2020 година ги донесе следниве мерки:
- Поради превенција од ширењето на Коронавирусот SARS-CoV-2, вработените на Факултетот за ветеринарна медицина-Скопје се должни да носат посебна лична заштита на лицето (маска) во рамки на извршувањето на нивните работни задачи.
- Во лабораториите/клиника задолжително е носење на заштитна облека (мантил, маска, ракавици, скафандер, мантил за еднократна употреба и сл.) согласно утврдените процедури и безбедносни протоколи на ФВМС.
- Се задолжуваат Раководителите на институти/клиника да доделат заштитни маски на сите вработени кои се обезбедени од ФВМС.
- Се забранува влез, движење и престој на секое физичко лица кое влегува како посетител во просториите на Факултетот за ветеринарна медицина-Скопје без лична заштитна опрема согласно точка 1.
- Во лабораториите и на останатите работни места на ФВМС дозволено е минимално растојание од најмалку два метри од едно до друго лице.
- Се забранува групирање на вработените во лабораториите и другите работни простории во групи повеќе од 5 (пет) лица.
- Распоредот на работното време на Факултетот за веетринарна медицина-Скопје се утврдува со почеток помеѓу 7:30 и 8:30 часот и завршеток на истото помеѓу 15:30 и 16:30 часот, а со вкупно времетраење на работниот ден од осум часа почнувајќи од 23.4.2020 година.
- Вработените на Факултетот за ветеринарна медицина-Скопје кои се работно ангажирани за времетраење на мерките за заштита од ширење и превенција од Коронавирусот SARS-CoV-2, неискористениот дел од годишниот одмор од календарската 2019 година може да го искористат до 31 мај 2020 година, согласно потребите на работниот процес и врз основа на согласност од Раководителот на институт/клиника и по одобрение од раководното лице на Факултетот односно Деканот.
- На вработените кои се ослободени од извршување на работа и работни задачи согласно мерките за заштита од ширење и превенција од Коронавирус COVID – 19, неискористениот дел од годишниот одмор од календарската 2019 година им се смета за искористен.
Од Кризниот штаб
за превенција од ширење на вирусот Covid-19
Почитувани колеги,
Согласно Одлуката за забрана за движење на граѓаните во целата територија на државата, односно за продолжување на полицискиот час на целата територија на Северна Македонија донесена на 36-тата седница на Владата на Република Северна Македонија во насока на справување со здравствено-економската криза предизвикана од коронавирусот, се известуваат вработените на Факултетот за ветеринарна медицина дека почнувајќи од
8-ми април 2020 година (среда) работното време ќе биде од 8-14 часот.
Мерката ќе се применува до донесување на нови мерки од Владата на Република Северна Македонија
Се известуваат наставниците и студентите на Факултетот за ветеринарна медицина – Скопје дека поради вонредните околности во државата настанати со пандемијата со коронавирусот Министерот за образование и наука наложи организирање на настава од далечина (т.е. е-настава). Поради тоа:
- ФВМС набави 4 лиценци за користење на платформата ZOOM.US (линкот е https://zoom.us/signin), а наставниците дополнително ќе ги добијат линковите и пасвордите за овие 4 лиценци;
- На студентите не им требаат лични сметки (акаунти) за е-наставата, туку ќе се вклучуваат во неа преку линковите што наставникот ќе ги испрати до нивните лични е-адреси;
- доколку имате проблеми со користењто на оваа платформа можете да му се обратите на факултеткиот советник за ИКТ Виктор Денковски;
- наставата од далечина треба да започне на 23.3.2020 год. (понеделник) според официјалниот распоред (ден, час и предавална);
- од наставата ќе се одржуваат само предавањата, и евентуално вежбите кај оние предмети каде што се и тие кабинетски или семинарски, додека останатите облици настава (лабораториска, клиничка, теренска) ќе се одржат кога ќе се создадат услови за тоа, на начин кој ќе биде дополнително утврден;
- се откажуваат предвидените континуирани проверки, а тие ќе бидат одржани кога ќе се создадат услови за тоа, на начин кој ќе биде дополнително утврден;
- присуството на студентите на наставата од далечина е задолжително.
Наставно-научниот совет на Факултетот за ветеринарна медицина во Скопје, на седницата одржана на 13.02.2020 година, формираше Комисија за одбрана на докторскиот труд на кандидатот Мирослав Ќосевски, ДВМ, со наслов: „Идентификување на индикатори за однесување на животните и воспоставување зоохигиенски стандарди од аспект на благосостојбата на животните“, во состав:
- проф. д-р Мишо Христовски (претседател)
- проф. д-р Влатко Илиески (ментор)
- проф. д-р Александар Додовски (член)
- проф. д-р Кристоф Винклер (член) и
- проф. д-р Лазо Пендовски (член)
Текстот на докторската дисертација може да се преземе на следниот линк (фајл: Докторска дисертација – Мирослав Ќосевски 2020)
Авторезимето на докторската дисертација на македонски јазик можете да го превземете на следниот линк (фајл: Авторезиме – Докторска: Ќосевски)
Авторезимето на докторската дисертација на англиски јазик можете да го превземете на следниот линк (фајл: Summary_Doktorska_Kjosevski_ENG)
